Naaalala mo pa ba kung paano tayo nagkakilala?
Sa Principal’s Office,dun kita unang nakasama.
Nagtaka ka sa kakulitan kong taglay,
At medyo nainis ka sa pagiging maingay.
Hindi naglaon ay naging kaibigan kita,
Minsan pa nga ay katext ka hanggang umaga.
Napupuyat sa mahaba nating kwentuhan,
Kahit na ang pinaguusapan ay walang patutunguhan.
Nang pumasok ka sa magulo kong buhay,
Nagsilbing pintor ka at ito’y binigyan mo ng kulay.
Lahat ay nagbago mulang nang dumating ka,
Wala na kong ibang nais kundi ang makasama ka.
Naaalala mo pa ba nung nagtapat ka sakin?
Ang nararamdaman mo para sakin ay iyong inamin.
Halo-halo ang nararamdaman ko sa panahon na yun,
Minahal na din kasi kita,kaya agad ko ding tinugon.
Naalala mo pa ba nung nag-away tayo?
Dahil sa isang guro na nagpayamot sayo.
Pinilit kitang pakalmahin ng mga oras na iyon,
Kinausap kita, ngunit di ka tumutugon.
Sa mga oras na yun, pilit kitang inunawa,
Lhat ay gagawin, di ako magsasawa.
Naaalala mo pa ba nung Cantata?
Sa sobrang pagod ay nasigawan kita.
Sa mga oras na yun ika’y nasaktan ko,
Ngunit ikaw ang humingi ng tawad sa kabila ng mga ginawa ko.
Naaalala mo ba kapag may problema ako?
Ang aking mga pasanin ay iyong inaako.
Sa mga yakap mo nadama ang kapayapaan,
Kaya naman di ko lilimutin ang ating sumpaan.
Naaalala mo ba nung nasa highway tayo?
Sinamahan mo ko makasakay,matagal tayong nakatayo.
Isang pangyayari na di ko makakalimutan,
Ninakawan mo ko ng halik sabay takbo patungo sa kabilang daan.
Naalala ko tuloy nung nasa silid-aklatan tayo,
Magkahawak ang ating mga kamay habang nagbabasa ng libro.
Walang kaalam-alam ang mga taong naroon,
Na nilalanggam na tayo sa mga oras na iyon.
Sa ating pagtatapos, isa lang ang aking dalangin,
Sa takdang panahon, ika’y magiging ganap na akin.
Tayo’y may sumpaan na di ko lilimutin,
Mahal na mahal kita, di ako magsasawang ito’y sambitin
Tayo’y maghintay lamang at gawin ang nararapat,
Tapusin ang nais ng ating mga magulang,at sa kanila’y maging tapat
Sa ganung paraan, ang lahat ay posibleng maganap.
At sa kabila nito, sana’y ako’y iyong mahanap.
Nandito lang ako at naghihintay sayong pagbabalik
Habang inaalala ang iyong mga halik
Sa panahong yun, ang Diyos na lang ang tulay
Sa oras na bumalik ka, makakasama na kita habang buhay.
